走進大街小巷  超勁份量的歐陸風Cafe

喺繁囂都市下嘅番工真係好疲累,日做夜做成隻狗甘,難得放假真係想出走一下!如果走唔到點算好?至少都換個地點refresh 一下心情啊! 今次要同大家介紹嘅小店位於鄰近天后地鐵站嘅小社區 - 大坑。同五光十色嘅銅鑼灣相反,大坑相對低調,卻又滿怖着林林總總嘅特色小店,有一種嘅與別不同嘅獨特氣氛,其實大坑真係有好多特色小食非常吸引架,而今日我地嘅主角Tai Hang Bar & Grill就係其中一間! 一入Tai Hang Bar & Grill 已經有種與別不同嘅感覺,半開揚嘅環境設計令餐廳非常通爽,加上自然光嘅照射,令人仿如置身國外Cafe當中! 小編一坐底諗都唔駛諗就叫左個All day breakfast,有人話食得All-day Breakfast可能只係想Hea下,計我話All-day Breakfast簡直係一個情意結,係去每個Cafe必選單點之一! 【 Tai Hangs Big Breakfast · $150】 試下個Big Breakfast先!唔~~~食得出好有心機、份量十足!成份野有炒蛋(雞蛋仲可以任揀烹調方式)、多士、煙肉、牛扒、焗蕃茄同薯餅等等。炒蛋亦炒得非常滑溜,香腸同牛扒都食得出唔係平時茶餐廳嘅貨色,一個份量,絕對夠兩至三個女仔share啊! 【 Country Egg Benedict · $120】 呢個火腿蘑菇加蛋賣相已經一流!配上烘過嘅多士喺底,再加流出黎嘅蛋黃汁(正啊!!!),味道香濃認真無得輸!然後加上新鮮沙律菜伴碟,兩個字: 完美! 【 Chocolate Chip Pancakes · $110】 
去得Cafe當然要食埋甜品啦!雖然當日試食係早餐時間,不過亦無阻小編嘅甜食慾望>v< 3件份量十足嘅Pancakes配上新鮮水果,加上蜜糖、朱古力醬同雲呢拿雪糕,真係甜到入心啊! 
 以上價錢未計加一,雖然係D偏貴,但間唔中對自己好啲,食番餐好嘅,絕對唔過份呀 !!!而且Tai Hang Bar & Grill嘅環境休閒舒適,絕對係放下一週辛勞嘅放鬆好地方!! 地址 大坑銅鑼灣道38號海麗軒地舖下 G/F, Intelligent Court, 38 Tung Lo Wan Road, Tai Hang (港鐵天后站 B 出口, 步行約9分鐘) 電話號碼 25251439 營業時間 星期一至日  07:00 - 23:00