哈利Fans 必去!位於銅鑼灣的哈利博物館

日前小編於銅鑼灣誤打誤撞行左入呢間「哈利波特博物館商店」,猶如闖進了9又4分3月台,即刻入左忘我境界! 作為一個哈迷應該都因為呢套電影而去過世界各地有哈利波特園區嘅環球影城,小編亦唔例外,特別係第一次到哈利園區時,仿彿感受到哈利第一次進入魔法世界的震憾!!!! (太激動扯得太遠)未去過環球影城嘅哈迷又唔洗咁灰,因為喺香港你亦可以感受到呢種身處電影場景中嘅感覺!! 位於銅鑼灣的哈利博物館商店雖然地方唔係好大,但入面賣嘅野一啲都唔會比環球影城遜色架,小編什至覺得比環球影城嘅手信店有更多選擇呢! 電影中出現的道具應有盡有,有印上不同電影字句嘅tolebag、袋、背包,亦有多比同嘿美等配角嘅Figure。而當中梗係唔少得主要角色嘅魔杖、插畫、霍格華茲四大學院嘅服飾、魁地奇比賽用球套裝、劫盜地圖、第二集出現過的湯姆·瑞斗日記、第一集出現過的巫師棋等等。 講到明哈利波特博物館商店,店內梗係有埋影相專區啦!店長Man特意借出整套哈利波特服裝,有齊斗篷、葛來芬多學院的頸巾、分類帽,供Fans們打卡留念,唔買野都可以免費影相,哈迷絕對不可錯過! 地址:銅鑼灣恩平道19號一樓