猶如置身國外的Lucy Coffee & Food

今次小編要同大家介紹嘅係位於長沙灣一間格調十足嘅 Cafe -Lucy Coffee & Food。窗外望入去已經非常吸引眼球,入面嘅懷舊裝飾同擺設都非常有特色,睇得出店主喺設計上而花過D功夫! 一坐低望住餐牌,見到好多Salad同特色Burger,仲有深受大眾喜愛嘅All Day Breakfast 添!除左餐牌,大家仲可以睇下每日手寫喺玻璃上面嘅甜品牌,每日都係新鮮製造,而且日日嘅甜品都唔同架!最後小編試左兩款,兩款都覺得真係好正要同大家推介一下! -抹茶紫米凍餅

 呢個就係LUCY嘅招牌必點,抹茶配紅豆就聽得多,估唔到抹茶配紫米原來仲夾!!有別於抹茶紅豆,抹茶紫米多左一份口感,咬口非常煙韌,抹茶味亦非常濃厚,兩者配搭得天衣無篷,食完齒甲留香,簡直唔想飲水添啊!中意食抹茶製品嘅抹茶控認真唔可以錯過! -糖漬檸檬磅蛋糕

唔係綠茶控可以簡咩啊?糖漬檸檬磅蛋糕亦係一個唔錯嘅心水推介!唔好睇塊蛋糕好似得一片咁薄切切,實情係十分足料!有別於平時食嘅海棉蛋糕食完好似無食過咁,但呢件真係會飽肚嘅,而且佢係檸檬製,所以清香而不漏,配上糖漬後簡直係可以用「小清新」黎形容! 蛋糕上嘅檸檬亦唔係裝飾甘簡單,小編估係用蜂蜜浸過,所以食落非常鮮甜完全無苦澀味,小編我直情諗都無諗成個放埋落口食添! 不過同番大家講女仔食一件可以好飽架啦,所以約埋班Fd,男朋友黎,嗌番幾款甜品開心Share就最適合不過啦! PS. 呢間Cafe無得訂位,只招待Walk In,而且無限時任坐,唔洗驚比人趕走,但如果遇上等位就真係要等段時間啦。 Lucy Coffee & Food 地址 長沙灣保安道55號美寧中心C座地下C1號舖 電話號碼 55088318 付款方式 只限現金