6大電影最佳女「醜」角提名!邊個扮得最出神入化?

一套戲拍得好唔好,除左要有好嘅劇本同導演外,演員都十分重要,相信呢一點無庸置疑。但如果論一套電影可唔可以成為經典嘅話,角色嘅鮮明性就的確非常重要! 以下就係歷屆電影經典醜女角色,要知道,成就一個角色有時真係好大風險,唔係個個artist 都甘豁出去,願意自毀型象去演出,我地即刻一齊回顧一下啦! 電影最佳女「醜」角提名 1. 程大嫂 【家有囍事】(1992) 由吳君如所扮演嘅程大嫂一副黃臉婆形象你一定記得,不修邊幅加上鬼馬演出,成就呢位麻甩系女人嘅始祖角色,當中「又係你啊陳生」講到2018都仲有人講緊啊! 2. 雙刀火雞 【食神】(1996) 莫文蔚於食神中扮演嘅「雙刀火雞」簡直係醜女界嘅一絕! 本身樣靚聲甜絕腳又長嘅Karen對可以走高檔路線,佢就偏偏願意放底偶像包袱,仲要係演到甘放甘入戲,神態行為舉止都十足十廟街行過賣10蚊一兜嗱喳麵嘅啊嬋!「情與義,值千金」更因此而成為經典! 3. 閻紅 【怪物】 (2005) 閻紅個名可能你無聽過,但林嘉欣扮怪物你就一定有聽過!女神級嘅嘉欣扮演屋苑女怪真係唔止醜甘簡單,小編作為fans見到都打左個突!聽講 嘉欣大部分時間都要化毁容裝,喺酷熱的天氣下黏人皮、戴頭套,仲試過喺水箱裹面取景而浸泡長達十五個鐘,令佢全身起红點,皮膚仲可能落有後遺症添!心痛死人啦真係! 4. 啊梅 【少林足球】 (2001) 「快去火星吧,地球很危險!」講起趙薇扮演嘅啊梅,呢一句相信都係經典中嘅經典,一臉油頭加滿滿暗瘡,仲要有幾隻烏蠅喺附近飛黎飛去~哇真係見到都反胃啊! 5. 岳美艷 【情癲大聖】(2005) 啊SA 扮演嘅莫美艷都算係後期嘅魂女作品,幼嫩嘅演技當然同上面果堆實力派比下去,而且故事比人大批反炒西遊記兼加插大量CG,所以都唔算好多人睇過,成套戲最深刻應該都只係得啊SA個「醜樣」。 6. 如花 【周星馳電影系列】(自1992) 如果你中意睇周星馳,甘你一定知邊個係如花,如花原名李健仁,原本為星爺嘅同學,演藝生涯由【武狀元蘇乞兒】至今,李健仁自白當初的確唔太中意呢個角色,個心都有D唔舒服,但見到觀眾甘中意,後來都習慣左無咩所謂,呢D咪敬業囉! 喜劇真係一種才能,唔係個個做到都有果種喜劇效果!嗱,以你嘅戲份金像獎男女主配角就有D難,但最佳女醜角你就真係夠晒份量競逐啦! 多謝以上甘多位甘落力演出呢D經典角色,成就我地嘅集體回憶!邊個又係你嘅心水最佳女「醜」角呢?