一日無痾 = 便秘? 3樣水果教你告別便秘

點解平日食唔多,但個肚腩仔依然喺到?有無諗過原因可能係黎自你嘅腸胃呢~ 有中醫師指出,正常嘅排便應該係每日1至3次,據臨床研究表明,60%以上的健康人每天排便次數為一次。隔日排便已經算係便秘架啦!如果長期便秘更會引致口臭、皮膚變差,及增加暗瘡和濕疹發作機會 甘排唔到嘅便便去左邊呢? 原來一個中等身材的人的體重,有機會包含3kg-6kg嘅宿便 ,而肥胖者更可能有7kg-11kg嘅宿便喺肚到!哇! 聽到都覺得恐怖啊!講到甘恐怖,有咩方法可以解救下啊? 自問好耐無暢通無阻甘便便,想快D同便便say hello嘅朋友,可以試用以下排便3寶: 
 1. 晚間彩虹奇異果 彩虹奇異果由日本福岡同愛知縣出口,喺每年10-11月最當造,同一般奇異果嘅分別係中心部分嘅果肉係紅色,外皮嘅毛就比其他奇異果少 一個成年人每日一定要攝取25-30g膳食纖維,而膳食纖維分為非水溶性同埋水溶性兩種! 水溶性纖維嘅功能係幫助軟化大腸入面嘅糞便同埋令腸道益菌上升中;而非水溶性纖維就可以加快腸道蠕動同埋增加糞便嘅含水量,如果想要排便兩種纖維缺一不可! 2. 麒麟果 筆者爸爸都有便秘問題,其中佢最buy嘅就係食麒麟果啦!麒麟果係一種低熱量高纖維嘅水果,佢嘅果肉入面嘅芝麻狀種籽可幫助腸道消化,食得多仲可以通便排清體內廢物。(btw麒麟果相對上有D貴。)
 3. 紅肉火龍果 除左擁有豐富嘅纖維同果膠外,更含有豐富嘅維生A、C、B1、B2及胡蘿蔔素等營養成分。有便便問題嘅朋友更可以用紅色果肉嘅火龍果檢查下自己嘅排便狀況,由於紅果肉嘅火龍果會令便便變色,所以大家就可以透過目測便便睇下自己嘅消化同排便狀況啦!如果好快見到嘅,甘當然最好啦,如果過幾日先見到,甘真係要注意飲食習慣啦! Source: https://www.nmplus.hk/583533/lifestyle/%E6%B8%85%E5%AE%BF%E4%BE%BF-%E5%8B%95%E4%BD%9C-%E6%8E%92%E4%BE%BF%E9%A4%90-ctl03/17/ 

Photo Credit: Unsplash, 好吃佬, 17life, Pinterest