無拖拍又有咩好怕 單身更快樂的三個理由!


人大左,見到身邊D人相相對對,難免會有寂寞空虛凍嘅時候嘅~唔拍拖嘅理由可以好多:唔想被束博啦、未搵岩人啦、自己未ready 好啦等等。 其實人生邊個階段都好,愛情都唔應該係你生命嘅唯一黎嘅,有時有D野反而單身先可以盡情享受喎!甘有咩係單身做正過有Couple 呢? 
 (1)自由自在,生活節奏自己掌握 進入社會之後,你會發現工作已經佔左你生活嘅大半,而朋友圈子亦同以前完全唔同,約齊人有時仲難過中頭獎甘,生活的確係有D乏味嘅,所以好多人都會簡拍個拖仔,大小日子都兩口子過。 不過,拍拖真係幾無私人時間,講真有時對得多都真係幾乏味架~所以單身有樣好嘅就係想做就做,出街唔駛premittion,去飲野唔駛比人煩,睇波shopping 樣樣都得,多左好多私人時間我去做自己中意嘅野,自己嘅生活完全可以自己掌控,一個字:正! 
 (2)跳出你的Comfort Zone ,擴闊自己的眼界 拍拖有樣唔好就係有時太多顧慮,同得另一半一齊,難免都有D責任喺身,例如儲錢結婚啦、辭唔辭職啦、到唔到外地工作好......好多時候你嘅決定唔係單單屬於你一個人。 單身嘅好處就係你隨時可以接受新嘅挑戰、新嘅嘗試,突然想轉個行?得!學樣新興趣?得!說走就走嘅旅行?甚至係黎個working holiday 都完全無問題!你完全唔需要考慮另一半嘅感受,隨心所欲跳出自己嘅Comfort Zone,尋找自己中意嘅野,擴闊自己嘅視野! (3)單身讓你有機會遇到合適的另一半 有D人耐唔住空虛寂寞凍,散完即拍,拍完又散,其實好多時都係為拍拖而拍拖,根本就唔知自己需要D咩,選擇單身嘅人有時未必係無人追、籮底橙,而係佢地更加清晰了解自己想要咩野,因此佢地一旦拍拖,就會相對穩定同認真,至少係自己心思熟慮尋找嘅另一半。 
 好多人拍拖大過天,喺戀愛過程中容易失去自我。所以呢,趁有機會,單身嘅你真係要好好享受當下自由自在、無拘無束嘅生活,好好追隨自己嘅樂趣,跳出你嘅Comfort Zone,擴闊自己嘅視野!!