向空中業務進發  首批 UberAIR 國際名單出爐

番工趕時間又早起唔到?搭飛機啦!哇,唔講唔知以為串緊人,但原來將來真係有機會做到喎! 
 首批 UberAIR 國際名單出爐 繼Uber Car,Uber Eat之後,Uber 又有最新搞作啦!今次竟然仲發展到空中領域!Uber ELEVATE亞太峰會上個月已正式宣告拓展版圖,根據 Uber Elevate 空中交通計畫,Uber預計喺未來五年時間,喺指定地區包括日本、印度、澳洲、巴西、同發源地法國發展UberAir 服務, 讓當地企業同民眾可以一鍵預約航程,率先體驗UberAIR嘅服務。 空中業務機遇多 UberAIR 營運城市裏面,除左有日前公布嘅美國德州達拉斯同洛杉磯兩大美國城市外,仲有印度嘅孟買、德里以及邦加羅爾等出晒名交通問題嚴重嘅城市。 至於擁有全球首屈一指國際運輸系統、科技產業集中地嘅日本,毫無疑問係UberAIR發展地區之一,預計未來將納入東京同大阪兩大城市規劃更多營運細節;而巴西里約熱內盧以及聖保羅則係全球直升機市場嘅重點城市,所以亦納入埋業務發展嘅候選國之一。 Uber Eats 無人機外送服務 無人機外送熱騰騰食物到你屋企!似喺電影先會有嘅情節,可能即將出現喺現實生活!今年5月,美國聯邦航空管理局已將美國San Deigo列為唯一無人機外送服務嘅測試地區。透過擴展空中業務,相信Uber Eats 未來業務會發展到更多國家,為全球更多消費者同餐廳提供更快捷、更方便嘅外送服務。 
 如果Uber 真係成功,相信UberAIR 嘅出現會徹底顛覆未來都市嘅交通方式,並對交通問題非常嚴重嘅城市非常奏效,但同時Uber 亦面對好多法律上嘅問題同阻礙,究竟UberAIR 能否發展成功呢?我地拭目以待。