妹記大排檔 到步必點嘅「必食清單」

小編表示一邊出文,一邊約緊手足再去踩場? 位於尖沙咀嘅妹記大排檔,相信大家無食過都一定有聽過!舒適嘅格局、乾淨嘅環境,感覺雖然同傳統大排檔有所不同,但風味依然猶在、鑊氣同火喉都依舊十足!而且重點係咩啊! 呢個天時熱屎辣辣出晒汗甘,食龍肉都無味啦,但係妹記大排檔就有冷氣提供,等你可以同三五知己一邊吹水,一邊舒舒服服甘享受大排擋嘅滋味。妹記有咩好推介?等小編介紹幾款「妹記必食」過你知啦! A小編的「妹記必食」清單: (1.)【黑椒薯仔牛柳粒】 牛肉肉嫩味鮮,唔會太韌;薯仔外脆內軟,相當爽口有口勁,加堆黑椒汁簡直係絕配啊!送飯一流!! (2.)【原隻脆皮炸豬手】 豬手份量好足,外皮極脆,肉質鮮嫩帶少少肥,完全無出面果D 臭豬手味; 味道方面呢咸度就剛剛好,再加上少少醬汁,令豬手相當入味,而且仲好開胃添! (3) 【避風塘茄子】 香辣惹味嘅避風塘,本來加咩都已經好好食,但你諗唔到嘅係茄子嘅汁,徹徹底底甘吸收晒避風塘嘅香味,令你每食一口都外脆內軟,每食一口D精華滿怖整個味蕾!真係相當惹味,令人食不停口,水都唔想飲啊! (4)【架勢戰鬥碗】 講到妹記嘅特色,一定非妹記拎黎飲啤酒嘅戰鬥碗莫屬!戰鬥碗特別之處在於佢長期放喺冰櫃之中,令你一飲啤酒就有種透心清涼嘅感覺,而且碗中間仲有個「勝」字,令你飲起酒黎仿如置身喺古代豪邁之士當中,飲都飲得暢快過人啊,講咩啊?飲啦! 地址:尖沙咀加拿分道20號加拿芬廣場5樓 Photo credit: Openeice