自製 木盤樹脂畫 ! 90後創自家品牌 教你畫出靚藝術品

近年興起用各式各樣的物料去做手作品,有皮革、黏土、水泥和木等等,但很多作品的用料較單一乏味,有否想過將多種物料結合可以創作全部感覺作品?近日有手作人將木再加樹脂膠,製作出多種獨一無二的 木盤樹脂畫 ,喜歡自家製的你看到有否心癢癢想整埋一份?立即去上堂先! 90後創自家品牌: 藝術唔離地 唔係高消費群先可接觸 從小到大學畫畫,現時修讀設計的90後Rolland於去年打造自家家品品牌「agape」,主要賣由樹脂膠製作的掛牆裝飾、時鐘、木托盤和杯墊等,每個作品的線條和圖案都不一樣,極具特色。Rolland希望,品牌可以將藝術帶入香港人的生活中,「藝術其實係對人嘅調劑品,佢會令到你喺呢個咁緊張嘅社會中得到平衡。我想令大家慢慢認識,原來藝術唔離地, 唔係高消費群先support到。」 在手作市場中,家品屬冷門手作品,Rolland指堅持和營運是極度困難,「我係幾唔鍾意放棄嘅人,一係市場唔得;一係我唔得,多數我都覺得係自己唔得,自己唔得咪再做好啲,總有一日你會得。」Rolland指,他的作品在市場中有優勢,「其他人做嘅(作品)可能有靚同唔靚之分,但做藝術好主觀,每個人睇法都唔同」,他認為有些屬失敗的作品也有人賞識,「藝術的可能性好大,價值在於你幫唔幫到呢幅畫搵一個識得欣賞佢嘅人,所以要學習唔好話唔靚就收埋佢。」 2.5小時用膠畫靚畫 放鬆治癒零難度 Rolland會有不定期舉行工作坊,他曾有學生指定要做出與Rolland一模一樣的作品,學生一開始創作時未看到預期效果感到失望,後來Rolland建議下,學生作出小修補,最後好開心滿意地將作品帶走,「享受不預期給你的滿足感,是一個學習過程。」Rolland認為藝術可以分享生命和價值觀,「唔係純粹一幅靚嘅藝術品掛喺牆上就完。」 工作坊每班約有7-9人左右,製作過程絕不繁複,只需調配自己喜愛的顏料,在樹脂膠凝固前自由創作便可,大約2.5小時便完成,不過作品需要在室內風乾一天,不能即日帶走。 agape 木盤樹脂畫工作坊 地址 : 荃灣沙咀道45-53號荃運工業中心一期 13樓L2室(顯示地圖) 日期: 9月15日 時間 : 5:30pm-8pm 收費: 21cm圓木盤 $750;圓木盤可加裝成為時鐘, 優惠價$50/個 (原價$80); 19cm x 13cm 長方形木盤 $790 撰文:Sam | 攝影:Manson | 圖片來源:Instagram @agape_design Credit form 新假期