Netflix聯合Google 打造史上最神奇「偵探遊戲」

鍾意打機嘅你又有新遊戲可以玩啦!Netflix 劇集《新神偷卡門 Carmen Sandiego》竟然同 Google 合作,用 Google Earth 嘅「即時衛星影像」製作一款同名偵探遊戲《神偷卡門》!

遊戲玩法就係用 Google Earth 喺地球上搜尋「卡門」嘅下落,期間會出現一啲解謎互動小遊戲同目擊者證詞,最後根據所有嘅線索搵到嗰個紅衣神偷。

目前《神偷卡門》喺 App Store 只有英文版同日文版,但日漸高漲嘅人氣應該好快就會出中文版!