印度人主理正宗上環印度風情樓上餐廳🇮🇳

唔好以為印度菜就只有咖哩雞🤣
其實仲有好多野食 今次就嚟到呢間上環嘅樓上餐廳
入口位置唔算顯眼 但已經好有印度風情
沿住樓梯上去 發現其實都唔細間🧐
而且位置闊落 坐得都算舒服
店員同老闆都好熱情添!

🎈Mango Lassi ($37)
之前係第二間印度餐廳都試過呢款印度yogurt
呢到做得比較甜少少 椰香味更重
第一啖飲會覺得好甜 但食埋其他重口味嘅主菜就會覺得剛剛好🧐

🎈Indian Masala Tea ($29)
一份有一整壺嘅印度拉茶 店員即席幫你拉🤣
拉到好高所以面頭打到好多泡泡
對比起港式拉茶 呢到嘅拉茶奶味比較重
而且加入左唔同嘅香料 除左奶香味更多左一陣辛香味
味道好特別 感覺上好正宗🤤

🎈Soup of the day - Lentil Soup ($38/1)
我地當日嘅湯係扁豆湯 但係飲落更突出嘅係香料味
要形容的話有點咖哩湯嘅感覺 同土耳其菜幾似🧐

🎈Potato Cake ($78)
呢個係一個辛辣嘅薯餅🤣
面頭嘅係茄醬 但薯餅本新已經好重味所以茄醬味唔突出
要讚嘅係表面炸得好香脆 做到外脆內軟
除左香料嘅辛辣外會帶點薯仔嘅甜味
係一款唔錯嘅小食😋

🎈Chicken Tikka ($88)
呢個鐵板烤雞係我成餐飯嘅最愛😍
一上菜已經比個香味吸引住!!!
店員貼心地為我地吱上檸檬汁
雞肉出奇地唔鞋 仲有兩款醬汁可以點
分別係綠色嘅薄荷醬同紅色嘅甜酸醬
比佢呃左以為紅色先係辣嘅🤣🤣🤣
我個人唔太好薄荷 但就比較中意呢個薄荷醬
感覺上薄荷係配角 當中香料嘅辛辣味先係主角

🎈Beef Madras ($88)
好中意佢上碟嘅形式 係一個鐵桶裝住哂啲牛肉🤣
同行友人唔食得太辣 所以老細就推介左呢款到我地
食落都係超級香 牛肉軟淋入味

🎈Green Onion Naan ($29)
食得印度菜點少得食Naan😍
呢到嘅Naan 個底好香脆 中間煙韌
而且面頭大量蔥 點埋咖喱可以話係完美😍

🎈Pullau Rice ($48)
同樣地用個大鐵碗裝住 一見到已經覺得好有異國風情
對到起常見嘅珍珠米圓潤飽滿 印度米係修長嘅表表者
最長嘅有成塊指甲咁長添啊 偶爾轉轉口味都係不錯的
又黃又橙 非常色彩繽紛 🌈

🎈總括而言
成間餐廳比我嘅感覺就係食第一啖已經覺得
無錯 這就是印度菜🇮🇳
對比起一啲餐廳為迎合香港人口味味道會淡啲
呢度就相對正宗 好適合重口味人士一試
而且店員同老細都好熱情 真係有賓至如歸嘅感覺❤️
———————————————-
INFO
印度皇 (上環)
上環干諾道中137-139號三台商業大廈1樓