【長文介紹】觀塘工廈平民價關西風壽喜燒🥘

呢間小店唔大 面積與公屋二人房相若
只有寥寥四張枱 所以隔離枱稍為大聲少少就已經好嘈
事關席前料理來說 店員嘅介紹都係重要一環
小編就非常不幸遇到中意大聲傾計嘅隔離枱🥲
所以店員介紹嘅時候「咩話」左幾次都聽唔清放棄左
(寫錯或寫得唔清楚嘅話大家多多體諒🤣)
雖然只有4張枱 但係座位闊落坐得好舒服
而且枱與枱之間有日式屏風隔住 感覺上私隱度會高啲