|佐敦 款色多 大大鍋 $88 台式一人火鍋|

十二鍋🍲🍲🍲🍲🍲

前日同羊咩先生系尖沙咀行街,揾緊食咩既時候就唸起之前Instagram有介紹尼間火鍋好似好吸引,所以就入左去啦。
原來佢叫十二鍋系因為佢地 total 系有12個湯底,包括11個常駐湯底同1個期間限定。原來宜家期間限定系芫茜湯,甘因為羊咩先生對尼樣野好反感,所以就交比大家去試啦xd
其實我真系有太多個湯底想試,真系太吸引,好少一人一鍋會有甘多湯底選擇。

$88就包左一個鍋 + 飯/粉絲 +冰紅茶/冰綠茶,真系好抵

所以今次就揀左我最想試既美肌鍋同埋台式沙茶牛肉鍋。

🍲🌟🌟美肌鍋 (牛乳) $88
講下佢既湯底先啦,十分濃郁既牛乳味,咸味偏低,所以直接飲都好啱,佢仲有陣鮮甜味,我唸應該系d雞肉同娃娃彩,滾到個湯好甜,成個湯底都好溫和,所以其實我都飲左好多湯。我唸我下次都會想食翻尼個湯底。

🌟其實佢真系都幾大煲,佢$88都包左好多料,美肌鍋就包左:雞肉片,花膠,蟲草花,鮮淮山,芝士竹輪,花枝丸,娃娃菜,炸枝竹,鳴門卷,冬菇,金菇,蛋餃,芝士魚豆腐,蜂巢豆腐。雞肉唔鞋口,都好足料。

除左湯底之外,我最中意就系索湯類既打邊爐材料。娃娃菜鮮甜入味,分量十足!炸枝竹好正,軟得黎仲保持到口感,仲要好索湯,睇黎除左響鈴,下次打邊爐都可以試下佢。仲有蜂巢豆腐,每一個洞孔都索曬牛乳湯,好似食緊布丁甘。

🌟佢仲有花膠!煮得好入味,好滑嘟嘟,可惜既系得一塊。我真系幾中意。

佢d 打邊爐材料都高質,芝士竹輪有滿滿既芝士。花枝丸入面有好多魷魚粒粒,好有口感,亦好鮮甜。芝士魚豆腐我簡直想encore! 太正,成舊好QQ,芝士味濃郁,同個鍋好夾。另外蛋餃都好好味,肉既比例都多
😋😋UMAI:9/10 (值得encore!)

🍲🌟🌟台式沙茶牛肉鍋 $88
羊咩先生就最主要食尼個鍋,系湯底方面,雖然望落好似好濃郁,但我地都覺得無想象中甘濃郁,不過可能我地平時食既沙茶系點醬,所以就比較重口味。不過沙茶湯汁配上索湯既打邊爐材料例如枝竹,蜂巢豆腐,娃娃菜,都可以食到濃厚既沙茶味道。

入面既牛肉分量中等,都幾入味,不過如果可以再多少少就好啦!

爆汁牛丸果然系爆汁,入面勁juicy! 可惜又系得一粒。
另外佢仲有一大粒芋泥貢丸,我就覺得真系幾好食,芋泥都好綿滑,貢丸味道唔錯。

🌟另外一個最大特色就系鍋上配有台灣麵線!尼個真系夠曬特別,系打邊爐黎講第一次見。不過大家都應該知道平時台灣麵線好滑嘟嘟,所以打邊爐食既話真系唔好煮太耐,因為佢會唔見左。

羊咩先生就揀左配粉絲,粉絲較粗身,甘就要煮耐少少啦,但我地都幾中意尼款粉絲,煙韌彈牙,又索湯,好正!
😋😋UMAI:7/10

+ 甜不辣 $22🌟🌟🌟🌟🌟🌟🌟🌟
佢尼個價錢我覺得食到尼個質素同分量系好抵!佢炸到外面擺到最尾都好脆,入面就好煙韌。外面有落左椒鹽。就甘食偏咸。我就貪玩甘將佢當響鈴甘擺落牛乳鍋瀘下,外皮軟左少少,加上牛乳味沖走左咸味,又幾正。大家可以試下我尼個特別既食法!

+ 現切特級牛肉 $98 (宜家做緊follow ig/fb 半價優惠)
肉質唔錯,都幾有牛味,我會中意款肉多過其他肥牛片。肉質更加好,佢d雪花平均。但尼款肉唔系入口即溶,比較無甘油膩。

+紐西蘭羊肉片 $48
尼個價錢ok,好有羊味!同牛乳鍋好夾!一入口,實在好驚歎,點解羊味可以甘出。

+ 跟餐 +$7 轉滷肉飯
我覺得滷肉飯醬汁同飯既比例ok,但醬汁可以再濃郁d,味道比較單一,欠缺左油脂感,同埋可以加翻少少甜味,味道會豐富d。但我覺得配濃味邊爐既話都ok。
+ 跟餐冰綠茶:正常發揮,微甜程度,適合打邊爐飲,都幾解油膩感。
+ 跟餐 +$7 +$5 轉飲珍珠奶茶 正常味道,甜度適中,珍珠非常彈牙有口感!

🌟整體CP值:8/10 值得一試😋
絕對會翻去再食,試下其他鍋,不過我又心大心細唔知揀咩好,樣樣都想食。

💬大家快d留言話我地知你地中意咩湯底~

📍 十二鍋
佐敦彌敦道219號莊士倫敦廣場地下4&5號舖

🌟🌟評分:
5: 差過正常味道
6:正常應該要有既味道
7:有驚喜
8:會再回頭
9:太出色
10:同類型最好吃

❤️想知更多飲食同繪畫資訊?即刻follow @we2log 留意最新既更新啦!