|佐敦 高質 多款 特色 親民餅屋|

嘉多利餅屋🥐🥯🥖 麵。包。控。舉手!

尼間自從朋友介紹之後,我就開始中意左食麵包,特別系尼間既麵包。
所以今次既食評系我買左幾次試左多款~
尼間除左會賣常見既包點,仲會賣一d比較有特色既包。好多款都系第一次見,好有驚喜🌟
尼間餅屋主打無添加額外防腐劑,天然酵母手作,健康又好味~😋🤤
總共有3間分店,個人比較中意佐敦店,比較過,貌似材料比較豐富,希望唔好介紹完到時買都買唔到啦,3間分店價錢都有少少唔同,佐敦店多數平$1

佢地有推出迷你包,因為有客人反映有時候下午茶唔想食太大個。

$15/3個 (價錢或許有改變)
🍠紫薯麻糬包:包外撒上紫薯粉,內裡香甜紫薯蓉, 搭配中間軟QQ既麻糬,滿足!
🧀🥔芝士薯蓉包:薯蓉柔軟,內裡大大粒芝士,用焗爐焗翻熱之後,芝士微融,正!本人超中意尼個,因為芝士同薯蓉都系本人最愛!
🌰栗子包:栗子蓉有d太甜。食到栗子粒粒,口感唔錯。
🥯肉鬆包:包表面黏滿肉鬆, 內裡有鹹蛋黃,配合得好好~鹹香味好正

$6 Scone
🥯🍇提子鬆餅:外面脆脆地,提子亁香甜,內裡鬆軟,充滿牛油香味
🥯☕️咖啡鬆餅:咖啡超香!同牛油好夾,無違和感,友人最中意就系咖啡鬆餅

🥞3Q餅 ( $8 ): 個名夠曬特別!外面用酥皮包住,滿滿既芝麻黏滿,內裡有多層,有紅豆蓉,麻糬同鹹蛋黃!超級豐富既口感,亦都系人氣之選!

🍠🥨芋頭酥 ( $8 ):酥皮正常,入面既芋頭蓉好綿密,但系添堵可以增加,一個人食一個會有d膩,建議同朋友屋企人開心share~

🧀🍞芝士多士 ( $6 ):可以睇到系滿滿既芝士, 最中意系有甜甜地既芝士醬,焗翻熱食無敵好食!推介呀~
🐟🍞明太子多士 ( $6 ):超級足料,明太子+牛油香,我唸可以日日早餐都食

🥓🥨煙肉酥 ( $13 ):酥皮好鬆化,外皮少許焦糖味,煙肉好香,好味!

小提示~用焗爐焗翻熱佢好食10倍!

🌟整體CP值:10/10 超級親民價,好味,推介鬆餅,芝士薯蓉包,芝士多士,明太子多士!

📍 嘉多利餅屋
佐敦文苑街1-23號文英樓地下1號舖
分店:何文田,佐敦,油麻地

🌟🌟評分:
5: 差過正常味道
6:正常應該要有既味道
7:有驚喜
8:會再回頭
9:太出色
10:同類型最好吃

❤️想知更多飲食同繪畫資訊?即刻follow @we2log 留意最新既更新啦!