飲酒可以暖身?

冬天天氣寒冷,就算著咗好多件衫都好似冇用,都係手凍腳凍。不過唔怕!有人就話飲酒好似可以令身體和暖,咁不如就飲一飲酒啦!飲完酒之後嘅你亦的確係會感覺到溫暖一下子傳遞到全身,好似真嘅會有保暖效果。不過其實係天氣冷嘅時候飲酒會有機會更易病,甚至有生命危險!

啤酒毛毯現象

根據Urban Dictionary收錄嘅詞語:Beer Blanket (啤酒毛毯)係指係飲過啤酒後包圍著自己嘅一種和暖嘅感覺,尤其係因為天氣寒冷並無法負擔電費打開暖氣嘅人會更常感覺到。其實所謂和暖嘅感覺並唔係因為你真嘅變暖,而係因為你身體正係到流失熱力。

酒精其實係一種血管擴張劑,可以令血管鬆弛,令更多嘅血液流經皮膚和組織。就好似車輛嘅散熱系統,更多嘅散熱劑係到流動,散熱嘅速度更越快;身體亦都如此,更多嘅血液流經皮膚,就會令更多熱力從身體散失。因為當熱力經過你嘅皮膚散失嘅時候,皮膚表層敏感嘅神經細胞會一直感覺到比身體正常嘅時候更熱,從而傳遞錯誤嘅信息令大腦誤以為身邊嘅氣温和暖。

而且酒精會打亂身體對寒冷天氣嘅反應,例如 “打冷震” 係其中一個身體反應,目嘅係保持身體温暖,不過攝取酒精後此反應會大量降低打冷震嘅幅度,降低身體保暖嘅能力。另外,大量飲酒後會令身體排汗,汗水嘅蒸發會加快身體嘅熱量流失,令你體温更冷。

當一個攝取了大量酒精後嘅人,神智並唔清醒並容易做出錯誤決定,認為自己係寒冷嘅天氣下足夠温暖,令自己患上底温症。據紐約每日新聞係2015年初嘅報道,一名醉酒嘅學生因係英國寒冷嘅夜晚試圖不穿外套走了9英里而死於低温症。

Urban Dictionary, Scientific America, Live Science