獨自行山真係好易出事架 - 向嵐行山樂

最近行山真係出左好多意外,而大部分既行山事故都係來自獨自行山多!點解我咁講?首先,獨自行山就肯定具一定程度既風險架啦。即便獨行者又幾咁如何步步為營,有時也無法保證意外既發生。這點係絕對無庸置疑,也無可辯駁的。但係獨行意外除了意料之外既其他因素,好大程度同一D控制範圍以內既因素相關,包括既:遠足經驗、行程前既準備、路況認知性、身體狀況、當日天氣既狀況,以及遇事時既應變方法等等...!其實呢D都係遠足最基本既考慮因素,但係往往都係最容易被人忽略既因素。獨行最大既危機在於未能評估可以接受到既風險,亦好多人唔會坦白地承認自身能力既不足。所以一旦一個唔小心,往往毫係造成無可彌補既傷害。

既然呢一排發生左咁多既獨行意外事故,相關報導亦如此廣泛,加上社會普遍係以負面既角度去睇,但係點解仍然有咁多人堅持去獨行呢?相信都係每個人都唔係咁容易約到人去行山結伴,而最後宦係選擇獨自行山,你要明白一個人行山亦並非唔岩/禁忌又或者係一件錯事,但請謹記要知道,唔好睇少大自然既威力,你要知道,行山發生意外有時都係無可避免架啦,正所謂唔怕一萬,只怕萬一,行山前一定要做足準備,即使發生左意外都可以方便點樣去應變,盡量將意外既影響減到最低。最少我個人認為獨自行山有幾點要留意:

1.) 盡量選擇D官方路徑,因為官方路徑指示會比較充足,而且迷路機會亦較少,加上有較多如標距柱或燈柱等設施定位,另到出意外時可能較快鎖定位置
2.) 出發前最少向一名好友,親友。。等等交代路線,定時在重要地標或分岔路口影相交代位置亦最好
3.) 自備哨子及頭燈,很多行山背囊及頭燈都已經預設了哨子功能,不妨多了解自己的裝備可以如何應變意外情況

行山又好,跑山也好,最重要是安全第一,量力而為,因為山一直都在,唔會走左佢架。

==============

Facebook Page: https://www.facebook.com/gohappyhiking/
Website:
http://happyhiking.co/
有興趣可以參與我地「向嵐行.山樂」活動架