|創新口味芋圓 榴蓮 香蕉 大樹菠蘿 烤地瓜 |榴蓮芋圓你肯定無食過!|

我不是芋圓🍠🍌

之前都有留意到佢地既產品,一直都好想試下。
🌟佢地主打100%無添加,天然水果味,無添加色素、防腐劑、糖。
今次攞佢地既芋圓既時候已經聞到好大陣味,搭緊車間唔中都聞到,所以都好期待!
店主都好好,佢地會提醒客人點樣保存,點樣煮同教埋食法。

開業價:$35/100g
🍌香蕉 :煮出黎比較深色,聞落無乜香蕉味,食落淡淡既香蕉味,甜度較低,口感中間偏硬,可以再煮耐d

榴蓮combo $55/100g
😋D24:外表灰黃色,煮前聞到好大陣榴蓮味,煮後聞落淡榴蓮香,食落淡淡榴蓮味,再繼續咬,口入面再慢慢散發榴蓮味甜度較低,口感正常
😋貓山王:外表比灰黃色再深少少,煮前聞到好大陣榴蓮味,聞落榴蓮味會再濃郁d,食落榴蓮味更重,口感比較Q

🌟🌟🌟新口味即將推出!!!!
🍍🍍大樹菠蘿:外表黃色,煮前超大陣香味,隔住個盒都聞到,煮後就比較淡,食就淡大樹菠蘿味,但知道有d人接受唔到大樹菠蘿既味道,甘就好啱啦,口味比較清甜,系甘多款入面甜味最出,口感最QQ

🌟整體CP值:7/10 口味好創新,全部都係第一次食,有驚喜,但其實本身期望都好高,因為聞落好大陣味,但食落既味道無甘出,系有少少失望,但真系可能我自己期望太高,佢地鋪頭主打生果芋圓,100%無添加,天然水果味,我都好欣賞佢地既概念,希望佢地可以越做越好,黎緊夏天食甘fresh既野真系啱曬!但單獨食口味會比較淡,建議都可以配上其他配料,反而更有特色。最中意大樹菠蘿味,食落有童年回憶,有少少似旺仔橡皮糖少甜版。

建議大家可以煮耐少少,煮到芋圓浮上水,甘就ok 啦。店主就想提醒返都可以因應個人口味作出調整架❤️

希望下次可以試下佢地傳說中既烤地瓜,聽聞佢地好用心甘先將番薯焗熟再整,應該會別有一翻風味~

📍我不是芋圓(網店)


🌟🌟評分:
5: 差過正常味道
6:正常應該要有既味道
7:有驚喜
8:會再回頭
9:太出色
10:同類型最好吃

🌟想知更多飲食同繪畫資訊?即刻Follow @we2log 留意最新更新啦!