|中環 深水埗 $75 日式石燒牛 前菜 湯 飯 任食任裝🍖🥗🍚|

三ステーキ

去唔到日本唯有食個日本石燒安慰住自己先~做野做到攰,想安慰下自己?最平$75包埋任食多款前菜,白飯,湯,食完多個肚腩出返去🐷

入到去要好似日本咁揀定食咩,買左飛先,靜係接受現金,今次我地揀左牛柳set 200g 同 三拍子set 300g, 🐱🐏兩個人都食得好飽好飽~
買完飛就等店員安排入座,等部bibi機響就可以去攞牛牛。店員都好貼心會提醒小心石板好熱,都會舖一張紙巾係上面以免比肉汁彈到。

等攞肉既時候可以去自助區攞前菜,例如有薯蓉,芽菜青豆,通心粉沙律,椰菜沙律,仲有珍珠米既白飯,同熱湯。

🍖三拍子牛 300g $109
發揮比較穩定,每次去食都好滿意。口感軟唸,牛味較牛柳重。就算9成熟都好軟,肉質唔錯。
😋😋UMAI:8.5/10

🍖牛柳 200g $85
之前食過一次,比三拍子既較為無咁軟。但今次食就好出色,軟度甚至比三拍子更加好。但牛味就輸比三拍子少少~
😋😋UMAI:8/10

整體兩款肉脂肪較少,可能滿足唔到追求入口即溶既朋友仔啦~但都好滿足,牛味口感都唔錯。牛肉既熟度一開始只係一成熟,攞到埋位就可以自己用石板既熱力煎到自己鍾意既熟度,如果擺得太耐,石板唔夠熱都可以請店員幫手換一塊熱既石板。
🐏:但係唔太建議噉做,因為換左石板,石板會冇左原先牛流落去嘅汁,會冇噉好味,但係如果想食炸三拍子手或者炸牛柳就可以去換一塊全新嘅石板

店內提供多種調味料同醬汁例如牛扒醬汁,酸汁,黑椒,鹽,芥末,蒜蓉同豉油,我地就最鍾意酸汁加黑椒同芥末~酸汁酸酸地好開胃,簡單配上黑椒同芥末,更加強調到本身牛既鮮味~

🥔薯蓉 😋😋UMAI:5/10
口感唔錯,唔係純好creamy既薯蓉,入面仲有粒粒薯仔。鹹度適中,係簡單純粹既薯蓉,無濃濃既奶味。

🥗芽菜青豆 😋😋UMAI:3/10
普通白灼,無鹹味,但都食得出新鮮

🥗通心粉沙律 😋😋UMAI:6/10
通心粉質地正常,無話好似某記既通粉咁好唸,入面仲有三色豆,沙律醬適中岩岩好,用左少量黑椒調味

🥗椰菜沙律 😋😋UMAI:4/10
都好新鮮,入面都有少少紫椰菜絲,店內有提供3款醬汁例如千島醬,芝麻醬同燒汁

🍲黑椒牛肉湯 😋😋UMAI:8/10
見到係真材實料熬製,有海量牛肉,佢地已經熬到變成一絲絲,有淡淡既姜同黑椒味,好適合冬天咁凍既天氣飲,即刻暖番曬,我地都encore左幾轉🤣
十分推介!

服務:店員都好細心提醒我地前菜已經refill 左可以去攞,環境都好乾淨,店內有提供消毒同清新噴霧比客人暫時遮蓋下燒肉既氣味~讚讚👍🏻

🌟整體CP值:9/10!!無得輸呀!
整體滿足度真係好高~其實我地下次兩個人叫180g三拍子 ($78) 同 200g牛柳都好夠食。大家可以根據番自己食量選擇,有三種gram可以揀,但係唔建議叫中size/大size,因為無論邊個size,石板嘅大小都一樣,牛肉太大件會完全冇位切。

牛肉都好新鮮,鍾意品嚐單純既牛肉既你快d黎啦~

💬大家快d留言話我地知你都有無食過啦,仲有邊度石燒牛好食?😋

📍 三ステーキ 三拍子(中環)
中環干諾道中68號華懋廣場第二期地舖
分店:深水埗,西環,中環,灣仔

🌟🌟評分:
5: 差過正常味道
6:正常應該要有既味道
7:有驚喜
8:會再回頭
9:太出色
10:同類型最好吃

🌟想知更多飲食同繪畫資訊?即刻Follow @we2log 留意最新更新啦!