🧴Soapa Soapa 菊花散洗髪套裝

🇭🇰香港本地製造

🗣分享產品用後感前,容許我講吓我嘅經歷先:

唔知大家有冇試過日日洗頭,但頭皮依然痕癢?然後就會不自覺地想搔癢,抓多幾下就開始見到頭皮屑出現,短短緩解之後,痕癢的問題又發作⋯⋯以上的問題都發生在我身上😢

曾經因為頭痕嘅問題,轉過唔同嘅洗髮產品,例如用過一些含薄荷的洗頭水,清清涼涼的感覺減低左痕癢感,不過效用只係維持於剛剛洗完頭嗰幾個鐘;又曾經諗過可能係頭皮太乾所以導致頭痕問題,因此試過將護髮素搽埋喺頭皮位置,最後發現這些方法都是治標不治本/完全冇效用⋯⋯

呢個問題都困擾左我兩三個月,有時抓得太大力,頭皮會有小損傷。每次洗完頭仲發現甩多咗頭髮,成個去水隔都充滿着頭髮,吹完頭就發現成地都有頭髮!有時身邊嘅朋友見到我頭有幾粒頭皮,禮貌地告訴我,我會即刻覺得好尷尬😳

曾經有諗過去做頭皮檢測搵原因,但見到價錢就有點卻步,一直想搵一啲平啲嘅方法解決呢個問題!

有一日睇IG無意中見到Soapa Soapa的廣告,入去睇到好多用家嘅好評,而頭髪產品成份主要係天然嘅中草藥,又咁啱在我家附近擺市集,所以就決定買來試一試!

菊花散洗髪套裝嘅洗頭水同護髮素,同一般牌子嘅質地同用法都差唔多,所以好快適應!