【香港時光隧道】懶人包 - 元天屯篇

如果講起 #時光隧道,相信大家通常都係會諗起 #元朗綠色隧道 ,因為之前 #鄭秀文 響果度拍過「八公里」MV。大家又知唔知,其實香港仲有好多特色嘅時光隧道呢?等我帶大家穿越一次啦~今次會先介紹位於元朗天水圍同屯門一帶嘅特色隧道。


1. 元朗綠色隧道

元朗綠色隧道係熱門打卡景點,地點唔算好就腳,但鄭秀文響果度拍過「八公里」MV之後就廣為人知。隧道半圓型設計,加上綠色鐵皮坑紋,形成深淺綠色視覺,好有神秘感覺。

日頭同夜晚影出嚟感覺都唔同:

日頭- 調動光度後,出口盡頭好似發光咁,造成時光隧道出口感覺。

夜晚 - 因為附近無乜街燈,形成出面漆黑,綠色半圓型隧道極度突出。

拍攝Tips:

地點 |路線交通教學:

📍元朗大旗嶺路

地點唔算好就腳,近大旗嶺路/尚悅嶺

如果由元朗西鐵站行去,大約需時20分鐘

或者可以搵D路經大旗嶺路/尚悅嶺嘅車。(如K66)

最直接就係搭的士,響偉記燒烤樂園落車,行過對面就見到