點解女人對粉紅色特別著迷?

相信有好多女士都同小編一樣,一見到粉紅色嘅野就會心心眼少女心湧晒出嚟,但點解大部份男仔又唔會有呢個感覺呢?講到粉紅色,好多人會聯想起風靡全球嘅Barbie 和Hello Kitty , 女仔有意無意地被社會培養為穿著粉色以突顯女性化特徵嘅生物。 除咗係社會塑造出黎嘅刻板印象,其實係有科學上嘅依據嘅~

英國新堡大學神經科學家Anya Hurlbert 發佈咗一份針對性別與喜好顏色關係嘅科研報告, 當中指出人們對於顏色嘅偏好其實係天生嘅,與人類嘅演化史有關係。 

研究揾黎208名受試者, 年齡20至26歲嘅男女,係一間黑暗嘅房間裡觀看電腦螢幕上顯示出嘅1000組彩色矩形,佢地必須儘快選擇佢地最喜愛嘅矩形。之後研究人員將受試者嘅選擇結果標繪係色譜上對照,結果發現兩性都偏好藍色系,但係女生又偏向選擇藍色系中偏粉紅嘅那端,男性則偏好藍綠色那區。 

Hurlbert 指出女性嘅偏好模式好明顯,分布係黃色和綠色區域嘅非常少,而係紫色到紅色嘅區塊分布最多。當你把分布係這個區塊嘅顏色全都混係一起,就會變成帶藍色嘅紅色,亦都係淡紫丁香色或者係粉紅色。 

為咗了解咁樣嘅差異係否與文化背景有關,研究人員又揾咗37名中國學生與171名英國白人學生做比較,結果係同樣嘅兩性顏色偏好差異,顯示這樣嘅差異與文化背景無關。 研究認為男女選擇顏色嘅偏好與演化有關。佢地推測其差異係受到男女係演化過程中,因勞動分工發展出嘅性別功能嘅影響,女性會喜歡偏紅色系跟生物學息息相關。 

人類係演化過程中,女性多半負責採集,男性負責狩獵,因此女性逐漸對於成熟圓潤嘅果實相關嘅紅色系事物產生偏好。而對於男性黎講,顏色顯得較不重要,獵人嘅性格使佢地對深色嘅東西,如獵物或狩獵者會較敏感。

近期嘅研究報告同樣顯示咗藍色係不分性別都普遍受到喜好嘅中性顏色,過去並冇好多研究支持人們選擇顏色有性別上嘅不同。研究人員認為,咁係因為藍色象徵晴空和河水等,因此人們會嚮往好天氣以便狩獵及期望揾到水源。 

所以女生嘅粉紅色冇抵抗力大概係天生嘅吧~ 

歡迎follow inscie嘅各大平台,順便比下意見我地:https://linktr.ee/insciehk

Reference:  
Anya C. Hurlbert, Yazhu Ling, Biological components of sex differences in color preference, Correspondence, 16 (2007), pp R623-R625