如果有人問你行山有咩樂趣同好處? - 向嵐行山樂

如果有人問你行山有咩樂趣同好處?你又會點樣去答呢?

每次講起呢個Topic(標題)都覺得好特別,特別唔係係每個人既答案都好唔同,而係好多人個答案都比較奇怪,點奇怪法?我一陣係下面文章會講畀大家知。

首先,我自己都帶過唔少行山團,當中都有新手既行山友,亦有真真正正既行山高手都會跟團先至聲明,自己本身帶團行山都係以簡單/容易為主,開團主要目的係想建議平時唔做運動既人做多D運動咁簡單。但係八八卦卦既我總會好想知道『行山友』點解你會咁鍾意行山?(當然私人事我本人就絕不過問啦)。咁我都講返自己點解咁鐘意去行山啦,其實當初選擇行山呢種活動,因為自己本身係有打開籃球既,但係成日畀D隊友話我體能差,真搵其他運動要操操D體能佢,咁同D朋友傾開話行山體能絕對可以練到體能架,加上行山比起打籃球較為少D身體碰撞,感覺比較並其他運動肯定受傷既機會無咁大!咁樣,我就開始慢慢地鐘意左行山呢個活動啦。

行山有咩樂趣同好處

係時候入返正題先,好多人成日都問我究竟行山有咩樂趣?佢地成日話行山咁辛苦,又累,唔覺得真係好有樂趣喎!但我自己就唔係咁唸啦... 等我話D野畀你知啦(我都係睇書學返黎架)。

  1. 增強肌肉同骨骼,行山係可以段練到小腿、大髀、大腿後側肌肉群同埋臀部(PATPAT),而且有D山徑甚至需要用到手去協助,咁樣絕對可以鍛練埋肩膊、二頭肌同埋三頭肌。另外,亦有加強骨骼同關節既成效,咁就可以減低關節負擔同埋骨質疏鬆既風險。如果你怕受傷,可以嘗試考慮用登山杖等輔助工具黎減輕對膝蓋所造成既壓力。
  2. 平衡感,如果行山總會有好多唔同既碎石,遠足時上高落低的動作,能有效鍛煉大腿及小腿的肌肉及協調感,從而有助改善身體平衡,以及減低跌倒或扭傷的機會
  3. 加強心臟既健康,根據醫院管理局資訊,行山遠足係屬於帶氧運動。而帶氧運動係可以有效咁增強心肺既功能、促進血液循環,可以為心臟健康帶來莫大裨益。
  4. 釋放安多芬,(呢個絕對係睇書先知道)運動係會釋放出安多芬,這種別名「快樂激素」既荷爾蒙能帶黎舒適同埋放鬆既感覺。而且運動係抗抑鬱症方面既功效,係實際上可媲美抗抑鬱藥物同心理治療。
  5. 欣賞大自然,試問你對上一次呼吸新鮮空氣係幾時?一般人每週最少工作40個鐘頭或以上,若可以係閒日或者週末能夠遠離忙碌既生活,可以享受一下大自然既寧靜,實在真係好正。你要知道,日積月累既壓力隨時會增加心血管系統既負擔,亦會間接影響你日常既工作表現同效率。所以能夠係閒日或者週末去行下山,感受一下大自然,可能會另你睇既野都唔同D架。

不過講左咁多,我當初選擇行山呢種運動,原因係好簡單架姐,除左真心想段練體能外,其實都係想搵一D簡簡單單做運動之餘,最緊要唔想用好多錢都可以去做運動呀嘛。(哈哈....)

咁大家又點解選擇行山呢種運動呢?記得留言啦~

==============

Facebook Page: https://www.facebook.com/gohappyhiking/
Website:
http://happyhiking.co/
有興趣可以參與我地「向嵐行.山樂」活動架