點解人會眼皮跳?

相信唔少人都有過眼皮跳嘅經歷,俗語有云:「左眼跳財,右眼跳災」,眼皮跳有時會令好多人擔心,但到底人嘅眼皮點解會跳? 眼皮跳又代表咩呢?

眼皮跳其實唔係皮膚喺到跳,而係眼部肌肉喺神經嘅支配下收縮,帶動表面皮膚隨之而動。眼皮有兩種肌肉,一種叫做眼輪匝肌(orbicularis oculi muscle),形狀似車輪,環繞着眼睛,當它收縮時眼瞼就閉合;另一種肌肉叫提上瞼肌(frontail muscle),當它收縮時眼睛就睜開。這兩種肌肉不斷收縮、放鬆,眼睛就會睜開同閉合。如果支配這兩種肌肉嘅神經受到某種因素嘅刺激,兩種肌肉同時興奮時,就會出現反覆收縮,甚至痙攣或顫動,眼皮就會不由自主地跳動。

有神經內科嘅醫生認為短時間眼皮跳可由於以下原因:第一,多半由於眼部神經受到刺激,可能係緊張、疲憊、壓力過大;第二,長時間盯著電腦,喺光線過強或過弱嘅環境下用眼、持續用眼;第三,缺乏睡眠;

當眼皮跳嘅發生較為頻繁時,原因可能就會係:強光、藥物產生嘅刺激、異物入眼、經常食煙飲酒等等,都會刺激眼睛,引起眼皮跳。

如果只係持續咗短時間地眼皮跳,則係一種正常生理性嘅現象,唔需要特殊嘅處理,休息一下就可以。但如果持續時間長,甚至雙眼都跳,為生活帶嚟麻煩的話,就應該求醫。

有人認為眼皮跳幾下無冇謂,從而忽略因眼病所引起嘅眼病,結果延誤病情;若患有乾眼症、結膜炎都有可能引起眼皮跳動;亦有人混淆病症,錯將眼皮跳都當面痙攣,更有人拿面癱後遺症出現嘅眼皮跳也當痙攣治。

到底一個人眼皮跳代表着咩,係咪真係「左眼跳財,右眼跳災」,其實就冇科學根據嘅,頻密眼皮跳都有可能會影響心緒,或工作時分心,引發意外或失誤。如果喺馬路上走路或開車,還可能導致事故發生,基本上都可以話係眼皮跳所引發嘅「禍」,至於話跳「財」或「運」。。。恐怕只係牽強附會。

快啲follow Inscie嘅Instagram page!
https://www.instagram.com/inscie_hk/


Reference:

https://www.cedars-sinai.org/health-library/diseases-and-conditions/e/eye-twitching.html

https://www.mayoclinic.org/symptoms/eye-twitching/basics/causes/sym-20050838