佐敦好玩好食任食新鮮流水蝦燒烤 海鮮迷必試

香港又有更多餐廳可以食到新鮮流水蝦啦!

前排喺網上見到推介話喺佐敦開咗一間以自助放題形式任食新鮮流水蝦同各款串燒嘅餐廳,見到新開有八八折所以即刻決定約埋朋友去試吓!

我哋係平日晚上時分去,每位$328 +1,地方好大仍然爆場,要讚一讚店員雖然好忙都有不斷幫我哋清殼,感覺方便好多_首先一坐低店員會先將一盆流水蝦放入烤盤燒,等待期間大家就可以自己出去拎嘢食啦,可以自己夾新鮮流水蝦,真係生猛㗎,拎嘅時候記得小心啲

_

跟住就可以出去自助區拎嘢食,除咗嘢飲任飲之外,仲有多款海鮮任食包括帶子、青口、生蠔、花甲等等,唔使驚俾人拎晒事關店員係會不斷咁refill,好似小編咁咁鍾意食海鮮嘅朋友仔一定會好開心好興奮🥰

_

另外餐廳亦有提供多款肉類、蔬菜串燒,滿足返唔同朋友仔嘅需要,此外仲有幾款熟食,當然雪糕雪條都係任食啦

_

同朋友呢餐食得真係好滿足飽一飽,首先流水蝦係有膏幾彈牙,花甲清甜冇沙,另外串燒每台有提供四款唔同嘅味粉,大家可按照自己喜好選擇,呢個價錢真心好抵食下次有機會再同朋友來,最後提提大家嚟之前記得book位

_

地址:

蝦蝦燒Cooking Haha

佐敦白加士街10-24號永富大廈1樓