灣仔兩層高法式可麗餅專門店 即叫即製鹹甜可麗餅

早排同朋友去咗灣仔利東街行下,朋友話呢間CREPE專門店好似好出名,趁着下午茶時間就決定入去食!餐廳有提供鹹、甜嘅CREPE,亦有提供主食和小食,值得一讚嘅係店員服務態度都非常好,有主動推介特色Menu,今次就叫咗CREPE同埋飲品嚟試吓

_

🥞 Rum and Raisin Crepe HKD 98

留意番呢款CREPE係冬日限定,冧酒提子口味嘅酒味好濃郁,尤其係佢嘅提子乾上邊能夠食得出其香味,雪糕嘅奶味亦都非常濃郁,大大球呢配上鬆軟嘅餅皮一齊食好滿足

_

🥞 Pink Delight $88

呢款真係夠晒吸睛,用嚟打卡一流🥳

紅莓配上無核荔枝食落去味道非常合襯,開頭見佢有咁多cream都驚會好甜,估唔到味道剛剛好,Cream亦帶香濃奶味

_

Iced Lemonade Soda $38

Iced Lychee and Peach Soda $38

餐廳有提供多款飲品,由咖啡去到gelato shake都有,今次叫嘅兩款梳打味道都較為清新,小編比較鍾意檸檬口味,下次有機會再和朋友來試他們的主食

_

另外小編見到餐廳原來仲有發售人氣網店 CookieBoy 嘅美式手工曲奇,大大塊睇落好吸引,所以都同朋友買咗一啲返屋企試吓

_

曲奇一共有 11 款口味,有選擇困難症嘅我就揀咗其中幾款嚟試,口味包括有:蘋果批、生日蛋糕、藍莓鬆餅、朱古力粒、燕麥、花生醬牛油、雙重朱古力、夏威夷果仁白朱古力、紅絲絨、宇治抹茶、咖啡核桃等等 售價為[email protected] 克

_

首先要讚下曲奇內餡料份量非常充足,外皮香脆內裏竟然有種煙韌嘅感覺,本身以為會好甜但係甜度剛剛好,據聞曲奇都係用低卡新鮮材料製成,100% 天然,沒有人造色素、調味或防腐劑,夠晒健康!編幾鍾意佢嘅蘋果批味,真係有還原倒蘋果批嘅感覺

_

地址

Crêpe Delicious (Urban Cafe)

灣仔皇后大道東200號利東街地下G26及F26A號舖