到底牛有幾多個胃?

各位牛年快樂!既然係牛年,今日就同大家吹牛。

成日聽人講牛有四個胃,到底係唔係真呢?

就唔係嘅。

牛其實得一個胃,只係一個胃區分成四個部份,以利於反芻。反芻令食物喺口中反覆咀嚼,一嚟可以令粗糙纖維嘅牧草或飼料完全消化。二嚟可以縮短在外進食停滯嘅時間,等牛牛去到安全地方,再拎返出嚟慢慢咀嚼消化。

相信食過牛雜嘅朋友都知道牛肚同毛肚係唔同嘅,但究竟個分別係邊?

其實牛肚毛肚通通都係牛嘅胃部。只係因為功能唔同,造成形態同體積上嘅差異。牛胃組成四個部分,分別係瘤胃、網胃、重瓣胃、皺胃。

第一個胃部—瘤胃(Rumen),是牛隻身體中體積最大嘅胃部,約佔了牛隻腹腔 75% 嘅體積,可用來暫存食物。

第二個胃部—網胃(Reticulum),是食物通過瘤胃後嘅下一個胃部。不過網胃和瘤胃兩者之間由一層肌肉組織分隔,因此兩者又合稱為「蜂巢芻胃」(reticulorumen)。瘤胃及網胃嘅環境相似,皆含有大量微生物來促使植物分解。

而其主要嘅功能就係集結食團到下一個胃部。網胃嘅特殊構造都可以防止較硬、較大嘅食物直接進入之後嘅胃部,又可以令食物再退回瘤胃消化,進行反芻。

第三個胃部—重瓣胃(Omasum)。球形嘅重瓣胃,同網胃相隔唔遠。重瓣胃堆疊著一層層大小不一嘅重瓣,因其構造層層而被稱為牛柏葉。重瓣胃阻隔並聚集固體、粗糙、尚未磨碎嘅食團,並將之退回網胃再消化。重瓣胃也可以吸收部分水分。

最後,係有「真胃」之稱—皺胃(Abomasum)。皺胃嘅功能同單胃動物(例如人)最為相似,有可分解食物嘅消化液分解蛋白質及殺菌嘅鹽酸。皺胃亦連接着小腸和大腸,進一步進行營養吸收。

懶人包:牛牛得一個胃但有四個唔同功能嘅部位。其中三個,瘤胃、網胃、瓣胃分別被稱為毛肚、牛肚和牛百葉。

快啲follow InscieInstagram page!
https://www.instagram.com/inscie_hk/