Interview (求職面試) - 基本知識的注意事項

大家好,今次我會講畀大家知道什麼是Interview (求職面試) - 基本知識的注意事項啦。

1. 眼睛

面試個陣見,唔好周圍望,記得要有eye contact,如果望住對方隻眼覺得尷尬,可以試下望下對方個鼻喇。

2. 身體

面試個陣記得唔好喐嚟喐去咁,有D人會係咁轉自己張凳,而咁既行為就真係成個小朋友架,咁樣就一定注定失敗架啦。此外,仲要 得坐直個人,唔好坐到歪嚟歪斜。仲有如果驚自己對手緊張到亂郁,雙手可以互相握住,放響大腿上面。

3. 打招呼

入到Interview Room,記得第一時間同interviewer點頭,然後講返聲「早晨 / 午安」。比個好印象人地,禮多人不怪。

4. 肚餓

有好多公司可能一早想約你見下面,但你又未食野喎!咁咪唸住買定D野係接待處(Reception)等既期間去食D野囉!其實唔好咁傻呀,(你試唸下,如果你係個Reception見到個個人餓成咁,而且又咁奇怪,支後走去同面試個人講起,咁你覺得後果會係點?)。所以,幾肚餓都好,完左支後先至再慢慢搵野食啦。或者你 D起身,食完個早餐先去見工喇。

5. 準備

見工記得做好準備,例如自我介紹,優點,缺點。。等等,唔好唸住到時先爆肚,唔Work架!所以,做足準備就會事半功倍架啦。

6. 早到

其實見工不單要準時,仲要早到,最少預早15-30分鐘去到。因為你 未去過嗰度月,唔熟路,要花D時間去搵,如果你唔預早D,到時搵唔到路,遲到就樣衰。另外,你早D去到公司度等,比自己calm down一下,入到去見工都無咁緊張。