究竟baby yoda可以生産幾多電力?

本篇文章含有第一季第二集極少量劇透,小編知道Baby yoda叫Grogu,不過小編都係中意咁叫佢。

大家都知baby yoda係一個原力使用者,而係劇入面佢都成日用原力幫我地嘅主角或者達成自己嘅願望。小編有一日睇睇下mandolorian就係度諗,如果我地用baby yoda去發電,究竟我地可以有幾多電力呢?

今次小編會用第一季第二集,baby yoda第一次使用原力嘅場境,黎計出佢嘅能量輸出(圖二)。我地假設泥角獸(Mudhorn)以一個平均速度升起,咁小編我就可以用P=Fv去計佢嘅功率。因為F(力)只不過係佢嘅重量,所以功率就只會係佢泥角獸嘅重量乘上升嘅速度。

泥角獸嘅重量你又知?

當然啦我地冇辦法知道一個虛構生物嘅重量,不過mandolorian嘅製作團隊之前講過泥角獸係用地球上嘅史前生物——板齒犀(Elasmotherium,圖三)作為藍本。板齒犀曾經生活係俄羅斯南部、烏克蘭同摩爾多瓦一帶,中國東部亦都曾經有佢地嘅足跡,大約係1600萬年前消失。據科學家估計,板齒犀直立時高2至2.2米、重5噸,而我地會用呢啲數據嚟計數喇。

你又知佢升得幾快?

想知電影電視畫面裏面嘅物件移動得幾快,其實需要好精密嘅計算,要用好複雜嘅數學方式⋯⋯至奇。如果你有讀過DSE嘅物理,基本上f4第一課就會教你點揾畫面中物件嘅速度,只需要揾出佢移動距離同埋所需要嘅時間就可以。係圖四之中有我地嘅主角Din Djarin同埋泥角獸,出現於同一個畫面。所以我地可以借Din嘅身高(1.8m)去估算出泥角獸升到3.4m高,減去本身嘅身高(~2.2m),即係佢總上升咗1.2m。

因為泥角獸上升嘅畫唔冇詳盡咁顯示出嚟,所以小編只可以估計由地面上升到最高點嘅所需5秒左右。

功率有幾大?

根據以上嘅數據同估算,我地得出baby yoda嘅最高輸出功率大概係11772W。假設我地可以將所有産生嘅能量轉變成電能,亦即係每小時生産十度電嘅能量,如果使用港燈電費嚟計算嘅話,就會係每小時産生近$8至$18嘅電費(視乎你想baby yoda生産幾多電力,以港燈嚟講你用電用得越多,你嘅電費就越貴)。

咁以baby yoda生産出嘅能量(以每小時計算),究竟可以用乜電器:

快啲Follow我哋嘅Instagram Page @Inscie_hk
https://www.instagram.com/inscie_hk/ 

文中所提及到嘅知識黎自以下學科:
#力學 #ClassicalMechanics

Reference:
港燈