點解heattech可以保暖?

#非廣告

呢幾日天氣凍咗咁多,出街隨咗著多件衫之外,都係時候要着返件heattech保暖一下!自從Uniqlo係十幾年前推出heattech之後,我地冬天就無需要再包到成舊粽咁先可以出街,絕對係比啲怕凍不過又貪靚嘅人嘅完美産品!不過你又有冇諗過點解Heattech可以幫你保暖呢?

冬天保暖101

空氣係良好嘅絕緣體,換句話講即係空氣傳熱能力比較慢,只要減低空氣對流嘅速度,溫度亦都會下降得比較慢。冬天衫嘅材料正正就可以好有效咁樣集中空氣,並且保留係衣服纖維之中嘅空間之裏面,利用空氣傳熱慢嘅特性,幫助用家保暖。

Heattech點解可以做到保暖效果?

Heattech有咁高嘅保暖效果,係因為佢嘅細小嘅纖維可以防止空氣散開,有效地保留空氣喺衣服纖維之中,係用家身體嘅週邊形成咗一層暖空氣,幫助保暖,但係呢個只不過係第一個步驟。根據研發heattech嘅中野正海部長所講,heattech嘅材料可以吸收人體自然散失嘅水蒸氣,並交由組成內衣嘅材質吸濕,令纖維可以自行發熱。

詳細嘅原因好自然就會係uniqlo嘅商業機密,不過小編估計係有關水蒸氣凝結嘅化學反應所引致嘅。水蒸氣比起凝結咗嘅液態水帶有更高嘅能量,係凝結嘅過程之中,水粒子為咗可以同其他水粒子形成化學鍵,並且成為液態水,水蒸氣之中嘅能量就會被䆁放,咁散失至周圍。

小編相信Heattech嘅材質其實係一種催化劑,可以有效咁加速水蒸氣凝結成液態水嘅過程,並且可以透過化學反應中䆁放嘅熱量加熱纖維之中嘅空氣,形成自行發熱嘅內衣,幫我地渡過寒冷嘅天氣。

如果大家有唔同嘅見解,歡迎係下面留言或者pm小編等大家可以討論一下呀!

快啲Follow我地嘅Instagram Page @Inscie_hk!
https://www.instagram.com/inscie_hk/

文中所提及到嘅知識黎自以下學科:

#熱力學Thermodynamics

Reference:

Uniqlo