點樣才能成為一個『好』的行山領隊 - 向嵐行山樂

未有疫情之前,只要平時空閒,自己就會開團帶隊去行山,當然唔收錢之餘,仲鼓勵多D人參與去做運動,出下汗咁!而帶隊所行嘅路大多數以簡單及易行為主。不過好多人以為帶隊去行山,仲要去埋D易行路線,以為做領隊係一件好容易嘅事,其實要注意嘅事情都幾多,所以今次同大家分析一下,亦畀少少意見,點樣才能成為一個『好』的行山領隊啦。

1.) 出發前提醒山友有咩要留意

例如衣著,鞋類,難度,行山需時多久,預算需時多久完成,食物是否需要準備等等...

2.) 唔好亂吹行山路線嘅難度

其實呢個問題聽得最多,我相信亦可以理解嘅係,大部分開團帶隊的行山領隊都係的行山高手(當然有D純粹為咗搵錢,為溝女個D行山團就一定例外啦,先至聲明自己係新手一名)。對於佢地黎講,行邊都咁易。所以唔知嘅話,最好嘅就係睇返D認可嘅行山網站就無死架啦!(呢D多數無乜好反駁)

3.) 殿後

好多行山團都唔設有殿後呢個服務,即係行得慢都唔會有人等埋你!雖然我自己開團帶隊行山都會循例等埋最後一個先落山
(好記得我第一次學人去行山,行得太慢最後要自己行返落山,經歷過個一次之後,決定唔會再留低其他山友係山度)。所以,如果你會等埋最後一個,絕對係『好』的行山領隊,但前提係呢個行山領隊一定有好好嘅耐性先得 (哈哈....)


4.) 安排影相時間

我自己開嘅行山團大部分都會安排最少有20分鐘至到半小時嘅影相時間、不過知道出面有啲行山團係冇影相時間、所以作為行山友,其實你哋都要自律一下唔好影相影咁耐、真係純屬想行山嘅人可能會等到冇乜脾氣架。

最後,每一個行山領隊都有佢個人嘅風格。當然啦,如果你經歷過一次有唔開心就無謂再跟啦、但如果又覺得呢個行山領隊唔錯嘅,咁你就要得閒多啲讚佢多D啦