人氣西班牙餐廳新址,大玩LED打卡

今次帶大家去食一間幾多人推薦嘅西班牙菜🇪🇸,搬左新地方,同樣係位於銅鑼灣一個不起眼嘅角落,新地方只係比舊址轉咗個彎位,而家地方大咗。


Cold Tapas

🐙薄切慢煮八爪魚 $78


Hot Tapas

🦢香煎鵝肝,脆包,紅酒梨片 $48 x 2PCs

🥧西班牙薯仔蛋餅 $78

🐚檸汁白酒煮蜆 $98


Main courses

🐷烤煎慢煮西班牙黑毛豬鞍架 配 些厘醋燒汁炸薯粒 $158

🦆西班牙式油封鴨腿 配 甜甜血橙醬 $198


Dessert

🥖炸西班牙油條配朱古力醬 $58


🍹Green Garden $108

🍹White Sangria $60


先叫咗幾個前菜,佢有冷盤同熱盤,兩邊都有好多特色嘅菜式,好多都想食所以就叫咗四個小食。


冷盤八爪魚切得薄薄地,食落去唔似一般嘅八爪魚咁韌,上面加上一啲好似蕃茄嘅醬汁,酸酸地非常開胃☺️。


鵝肝入口即溶,再配上啲好爽脆嘅包,仲有少少酒香味,一個字就係正。

蛋餅貌相可愛呈現金黃色,口感軟腍腍,蛋香味之餘加埋薯仔感覺上有少少似薯蓉。

蜆肉好大隻又肥美,小小嘅酒味喺上面。


之後係主角黑毛豬,原來啲豬都可以叫七成熟👨‍🍳,切嗰陣已經覺得啲肉好軟身,而且同啲骨好易分離,咬落口軟荏荏,加埋甜甜酸酸嘅燒汁,呢個主菜真係必叫😻!至於個鴨腿外脆內軟,燒得啱啱好。


個甜品炸得都幾脆,上面加啲糖漿都幾甜下🍯,點埋朱古力醬就好好味,為我哋呢餐西班牙菜之旅添上完美句號🎬。


當日去到都算多人,我哋到步離遠就見到一道特色嘅門,有好多個LED燈框住,係一個夢幻嘅感覺🦄。入到去環境昏暗,幾有情調。場內有吧枱,牆身有食鬼,好可愛嘅裝飾。仲有一個隱形牆,原來開門會有廁所🚽,仲有一個神秘嘅大房,適合多人聚餐。


📍Tapa Room - 銅鑼灣積福大廈地下B號舖