疫情對行山影響有幾大? - 向嵐行山樂

其實疫情對好多人嚟講、係一件好慘既事、最少自己選擇留喺屋企、費事備受感染、所以行山真係變少咗。 咁當然自己亦好少開團行山、因為到時又畀人話過個行山群組受感染就無謂啦。所以今次同你分析下、有乜嘢應該要做、有乜嘢唔應該去做。


唔應該去做:
1. 疫情嚴重下唔好帶人行山啊 (好似疫情第四波爆發咁、每日差唔多8x至1xx幾人受感染、帶咁多人行山出左事就大獲啦)
2. 行山唔戴口罩、一個唔好彩有個迎面中咗新冠肺炎既山友向你打乞嚏、唸到都幾大鑊 (你想象到個情況嗎?唔講啦、自己唸啦)
3. 人數限制應該跟足政府規定 (原因好簡單、就算搵幾個朋友一齊行山、最後唔好彩中左疫情、人哋check上嚟都知道邊個出事先
4. 打卡影相一定要除口罩?( 除非方圓十里一個人都冇、所以最好都係帶口罩啦)
5. 特別唔好一班人行完山去食下午茶 (都係嗰句 、除咗口罩好易受感染㗎)


應該去做:
1. 呢一排如無必要、絕對唔好行咁多山啦 (就算係、閒日去始終人少d嘛)
2. 行山帶口罩 (當為其他人著想、無謂受感染啦)
3. 如果你想幫忙香港經濟、例如飲食業、我會建議大家可以幫襯完買返屋企食、其他既、都係建議使多d錢啦、咁樣經濟先至快發展架。


最後你自己個人決定點去做啦、我都係好想你哋 知多啲 做多少少、為行山界出一分力呀嘛。