-咖啡豆係邊度黎架?係咪幼稚園種綠豆咁?-

咖啡豆其實係咖啡果實嘅種子黎,佢生係咖啡樹上面,原產於非洲嘅,而家有接近70個國家種植緊佢,並且岀口到唔同嘅地方。

咖啡豆佔一粒咖啡果實大概6、7成,咖啡果實嘅核就係咖啡豆,剩低嘅皮同肉就係另一樣咖啡副產品,叫cascara(西班牙文解果皮),即係「咖啡果皮」。

一般黎講,咖啡適合種喺熱帶或者亞熱帶地區,需要濕潤溫暖嘅氣候,充足嘅陽光,長年無霜凍,以赤道為中心,南北緯大約25度之間嘅環狀地帶,通常呢個地帶被稱為咖啡帶(Coffee Belt)或者咖啡區(Coffee Zone)。

由農民種植咖啡樹➡️採收➡️後處理➡️烘焙➡️沖煮➡️品嘗咖啡,每一個步驟都不可或缺,每一個步驟嘅小細節都影響住一杯咖啡嘅岀品。