咖啡烘焙?即係點呀?

— 炒豆!你估炒菜? —

精品咖啡簡單嚟講,精品咖啡豆就係高品質嘅生豆、經過烘焙師嘅烘焙,還原咖啡豆本身蘊藏嘅獨特味道。唔好話烘出自己獨特風味,可以均勻烘熟都係一件幾唔容易事。

成個烘焙過程,就係根據咖啡豆嘅品種同產地,設置合適嘅風門同熱力參數,係升溫嘅過程中,通過觀察顏色、時間等,隨時調節參數,控制豆嘅成熟度。
烘焙嘅過程令生豆膨脹,生豆嘅水分會慢慢釋放,改變顏色、口感、氣味同密度,從而產生咖啡嘅特殊風味,佢嘅味道隨烘焙時間嘅長短而有所差異。

睇落好似好簡單,但係烘焙最難嘅地方在於「不穩定因素」太多,咖啡豆嘅海拔、產地、同一個品種嘅批次唔同、時間唔同、喺唔同氣溫烘焙,烘焙時間多一秒少一秒,都會影響口感,出現「不穩定性」。

一杯好咖啡背後,烘焙師既烘焙手法會更加直接影響到咖啡既味道,所以了解烘焙師既故事同風格,會令你對咖啡有更深既體會架!