【英國零食】親身試食┃盤點英國十大熱門最巨人氣薯片

好多國家都有美食天堂之稱,唯獨英國就有美食沙漠聞名世界,初初到英國,實在唔太習慣”當地美食”,既然正餐滿足唔到我,倒不如轉戰零食界,可能會適合我多啲!上次盤點左英國餅乾,今次就盤點薯片。薯片係英國人不可缺少嘅日常食糧,無論睇戲、睇波、午餐、口痕、開party等等...英國人對薯片有一種執著,用新鮮薯仔製造並且每包都”足料重秤”,而唔係香港”空氣薯片”。不論味道、品牌、質感、價錢、容量、包裝,相比香港薯片,英國薯片卻略勝一籌。今日就同大家介紹10款英國最巨人氣0伏味薯片!